Ortografía

 Ortografía de l'aragonés

L'Academia Aragonesa de la Lengua aprebó lo día 3 d'abril de 2023, en sesión plenera, la ortografía oficial de l'aragonés. Ye un acuerdo que viene a posar fin a decadas de discrepancias graficas. Lo 20 d'abril de 2023 se publicó la norma ortografica en o Boletín Oficial de Aragón, tanto en castellano como en aragonés.

Vinclo pa descargar: Ortografía de l'aragonés.

Lo Estudio de Filología Aragonesa (EFA), en sesión plenera extraordinaria celebrata lo 16 d’abril de 2023, decidió per unanimidat asumir la Ortografía de l’aragonés aprebata per l’Academia Aragonesa de la Lengua en l’exercicio de las suyas competencias e publicata en BOA lo 20 d’abril de 2023 e, en consecuencia, renuncia a fer servir la suya Propuesta Ortografica, publicata en 2010, e aconsella a la comunidat lingüistica l’uso d’a norma oficial.

***

Boletín Ofcial de Aragón 20/04/2023 16059 ACADEMIA ARAGONESA DE LA LENGUA ACUERDO normativo 2/2023, de 3 d’abril, de l’Academia Aragonesa de la Lengua, sobre la norma ortografca ofcial de l’aragonés. La Ley 3/2013, de 9 de mayo, de uso, protección y promoción de las lenguas y modalidades lingüísticas propias de Aragón, en o suyo articlo 7, crea l’Academia Aragonesa de la Lengua como institución cientifca ofcial en l’ambito d’as luengas y modalidaz lingüisticas propias, a la cual li pertoca d’establir las normas referidas a l’uso correcto d’as ditas luengas y modalidaz lingüisticas, asinas como asesorar a los poders publicos y institucions sobre temas relacionaus con l’uso correcto d’as luengas y modalidaz lingüisticas propias y con a suya promoción social. L’articlo 8 d’a mesma Lei indica: “En el caso de que las instituciones públicas utilicen las lenguas y modalidades lingüísticas propias de Aragón, de conformidad con lo establecido en esta Ley, deberán seguir la norma lingüística establecida por la Academia Aragonesa de la Lengua”. L’articlo 2 d’o Decreto 56/2018, de 10 de abril, del Gobierno de Aragón, por el que se aprueban los Estatutos de la Academia Aragonesa de la Lengua (“Boletín Ofcial de Aragón” de 20 d´abril de 2018) estableix, igualment, que las competencias de l’Academia Aragonesa de la Lengua son: a) Establecer las normas referidas al uso correcto de las lenguas y modalidades lingüísticas propias de Aragón, a través de sus institutos. b) Asesorar, a través de sus institutos, a los poderes públicos e instituciones sobre temas relacionados con el uso correcto de las lenguas y modalidades lingüísticas propias y con su promoción social. c) Desarrollar aquellas tareas que, en el ámbito de su competencia, le encargue el Gobierno de Aragón. Lo pasau día 6 d’octubre de 2022, lo Pleno de l’Academia Aragonesa de la Lengua aprebó un acuerdo normativo per lo cual, de manera provisional y dica que l’Academia publicase nuevas directrices en materia ortografca, totas las normas grafcas existents pa la escritura de l’aragonés se consideraban correctas. Como en él se preveyeba, lo dito acuerdo queda sin efecto dende la data d’aprebación d’o present acuerdo normativo. Tamién se i deciba que lo Plenario de l’Instituto de l’aragonés heba creau una Comisión de Grafía encargada d’elaborar la norma ortografca ofcial d’a luenga aragonesa. La dita Comisión de Grafía se constituyió l’11 d’abril de 2022 y, dimpués de 23 sesions de treballo, elaboró un documento titulau “Ortografía de l´aragonés” que compilaba los acuerdos d’a Comisión. Lo Plenario de l’Instituto de l’aragonés, en a suya reunión d’o 27 de marzo de 2023, aprebó lo dito documento per mayoría absoluta, elevando-lo ta lo Pleno de l’Academia como propuesta d’Acuerdo normativo. En a suya reunión d’o día 3 d’abril de 2023, lo Pleno de l’Academia Aragonesa de la Lengua, a propuesta d’o Plenario de l’Instituto de l’aragonés, apreba lo siguient Acuerdo normativo: S’apreba lo documento anexo, titulau “Ortografía de l’aragonés”, como norma ortografca ofcial d’a luenga aragonesa, deixando sin efecto l’acuerdo normativo 1/2022, de 6 d’octubre. A los efectos previstos en os articlos 7.2 y 8 d’a Lei 3/2013, y en relación con l’aragonés, l’uso correcto queda defniu per la utilización d’a dita norma lingüistica. Lo texto de l’acuerdo y lo documento, en castellano y aragonés, asinas como los votos particulars formulaus, pueden consultar-se tamién en a url https://academiaaragonesadelalengua.org/documentos-normativos/. Zaragoza, 3 de abril de 2023.— Lo President, Javier Giralt Latorre.